||om tat sat||

Select text in Devanagari Kannada Gujarati English
ઉત્તર ચરિતમુ
મહાસરસ્વતી ધ્યાનમ્

ઘણ્ટાશૂલહલાનિ શંખમુસલે ચક્રં ધનુઃ સાયકં
હસ્તાબ્જૈર્દધતીં ઘનાન્તવિલસત્ શીતાંશુ તુલ્યપ્રભામ્|
ગૌરીદેહસમુદ્ભવાં ત્રિજગતામ્ આધારભૂતાં મહા
પૂર્વામત્ર સરસ્વતીમનુભજે શુમ્ભાદિ દૈત્યાર્દિનીમ્||

||ઓમ્ તત્ સત્||
=============
ત્રયોદશોઽધ્યાયઃ ||

ઋષિરુવાચ||

એતત્તે કથિતં ભૂપ દેવી મહાત્મ્યમુત્તમમ્||1||

એવમ્પ્રભાવા સા દેવી યયેદં ધાર્યતે જગત્|
વિદ્યા તથૈવ ક્રિયતે ભગવદ્ વિષ્ણુમાયયા||2||

તયા ત્વમેષ વૈશ્યશ્ચ તથૈવાન્યે વિવેકિનઃ|
મોહ્યન્તે મોહિતાશ્ચૈવ મોહમેષ્યન્તિ ચાપરે||3||

તામુપૈહિ મહારાજ શરણં પરમેશ્વરીમ્|
આરાધિતા સૈવ નૃણાં ભોગસ્વર્ગાપવર્ગદા||4||

માર્કણ્ડેય ઉવાચ||

ઇતિ તસ્ય વચઃ શ્રુત્વા સુરથઃ સ નરાધિપઃ|
પ્રણિપત્ય મહાભાગં તં ઋષિં સંશિતવ્રતમ્||5||

નિર્વિણ્ણોઽતિમમત્વેન રાજ્યાપહરેણન ચ|
જગામ સદ્યઃ તપસે સ ચ વૈશ્યો મહામુને||6||

સન્દર્શનાર્થમમ્બાયા નદીપુલિનસંસ્થિતઃ|
સ ચ વૈશ્યઃ તપસ્તેપે દેવીસૂક્તં પરં જપન્||7||

તૌ તસ્મિન્ પુલિને દેવ્યાઃ કૃત્વા મૂર્તિં મહીમયીમ્|
અર્હણાં ચક્રતુઃ તસ્યાઃ પુષ્પધૂપાગ્નિ તર્પણૈઃ||8||

નિરાહારૌ યતાહારૌ તન્મનસ્કૌ સમાહિતૌ|
દદતુસ્તૌ બલિં ચૈવ નિજગાત્રાસૃગુક્ષિતમ્||9||

એવં સમારાધયતો સ્ત્રિભિર્વર્ષૈર્યતાત્મનોઃ|
પરિતુષ્ટા જગદ્ધાત્રી પ્રત્યક્ષં પ્રાહ ચણ્ડિકા||10||

દેવ્યુવાચ||

યત્પ્રાર્થ્યતે ત્વયા ભૂપ ત્વયા ચ કુલનન્દન|
મત્તઃ તત્પ્રાપ્યતાં સર્વં પરિતુષ્ટા દદામિ તત્||11||

માર્કણ્ડેય ઉવાચ||

તતોવવ્રે નૃપો રાજ્યમવિભ્રંશ્યન્યજન્મનિ|
અત્ર ચૈવ નિજં રાજ્યં હતશત્રુ બલં બલાત્||12||

સોઽપિવૈશ્યઃ તતો જ્ઞાનં વવ્રે નિર્વિણ્ણમાનસઃ|
મમેત્યહમિતિ પ્રાજ્ઞઃ સઙ્ગવિચ્યુતિ કારકમ્||13||

દેવ્યુવાચ||

સ્વલ્પૈરહોભિર્નૃપતે સ્વરાજ્યં પ્રાપ્સ્યતે ભવાન્|
હત્વા રિપૂનસ્ખલિતં તવ તત્ર ભવિષ્યતિ||14||

મૃતશ્ચ ભૂયઃ સમ્પ્રાપ્ય જન્મ દેવાદ્વિવસ્વતઃ|
સાવર્ણિકો નામ મનુઃ ભવાન્ભુવિ ભવિષ્યતિ||15||

વૈશ્યવર્ય ત્વયા યશ્ચ વરોઽસ્મત્તોઽભિવાઞ્ચિતઃ |
તં પ્રયચ્છામિ સંસિદ્ધ્યૈ તવ જ્ઞાનં ભવિષ્યતિ||16||

માર્કણ્ડેય ઉવાચ||

ઇતિ દત્વા તયોર્દેવી યથા અભિલષિતં વરં|
બભૂવાન્તર્હિતા સદ્યો ભક્ત્યા તાભ્યાં અભિષ્ટુતા||17||

એવં દેવ્યા વરં લબ્ધ્વા સુરથઃ ક્ષત્રિયર્ષભઃ|
સૂર્યાજ્જન્મ સમાસાદ્ય સાવર્ણિર્ભવિતા મનુઃ||18||

સાવર્ણિર્ભવિતા મનુઃ ક્લીં ઓમ્||19||

ઇતિ માર્કણ્ડેય પુરાણે સાવર્ણિકે મન્વન્તરે
દેવી મહાત્મ્યે સુરથવૈશ્યયોર્વર પ્રદાનં નામ
ત્રયોદશોઽધ્યાયઃ||

શ્રી સપ્તશતીદેવી મહાત્મ્યં સમાપ્તમ્
|| ઓમ્ તત્ સત્||
||ઓમ્||
=====================================

updated 27 09 2022 0700